अन्ततः लामो संघर्षपछि, डुवर्सको नगरकट्टा ब्लकको ग्रासमोड चियाकमानका श्रमिकहरूले 20 प्रतिशत बोनस पाउने भए। यद्यपि मालिकहरूले यो बोनस दुई किस्तामा दिने भएको छ। 15 प्रतिशतको पहिलो किस्ता दुर्गा पूजाअघि र बाँकी 5 प्रतिशत दिसम्बरपछि दिइने भनिएको छ। सोमबार राति मालिकहरूले श्रमिकहरूलाई यसबारे जानकारी गराएका थिए भने श्रमिकहरूले पनि यसलाई स्वीकार गरेका छन्। 
दुई किस्तामा दिने भए पनि 20 प्रतिशत बोनसको आश्वासनले हाल ग्रासमोड चियाकमानका श्रमिकहरूमा खुशीको लहर छाएको छ। बोनस सम्झौताबारे श्रमिकहरूलाई जानकारी गराउन मंगलबार कमान परिसरमा श्रमिक संघद्वारा गेट मिटिङ आयोजना गरिएको थियो।
मिटिङमा श्रमिक नेताहरूले लामो संघर्षपछि दुई किस्तामा बोनस सम्झौता स्वीकार गर्न बाध्य भएको बताए। दुर्गा पूजा आउन केही दिन मात्र बाँकी छ। अहिलेसम्म श्रमिकहरूले पूजाको लागि कुनै किनमेल गर्न सकेका छैनन्, न त उनीहरूले लुगा वा अन्य घरायसी सामानहरू किन्न सकेका छन्। त्यसैले, आफूहरूले दुई किस्तामा बोनस लिने शर्त स्वीकार गर्न बाध्य भएको श्रमिक नेताहरूले बताएका छन्।